Ұлттық ұланның «Шығыс» өңірлік қолбасшылығы жаңа жыл қарсаңында өз ардагерлерін мерекемен құттықтап, арнайы құрмет көрсетті.
«Шығыс» өңірлік қолбасшылығы қолбасшысының тәрбие және әлеуметтік-құқықтық жұмыс жөніндегі орынбасары полковник Атабек Салықбаев және «Шығыс»өңірлік қолбасшылығы қолбасшысының кеңесшісі, ардагерлер кеңесінің төрағасы отставкадағы полковник Айдар Оразбаев Отан соғысының және Ұлттық ұлан ардагері, отставкадағы подполковник 90 жастағы Гагарин Иван Фёдоровичті, отставкадағы подполковник Чикинов Любик Васильевич, сонымен қатар отставкадағы майор Чирва Виталий Фёдоровичті арнайы құттықтап барды.
Ардагерлер күні бүгінге дейін өңірлік қолбасшылықтағы ардагерлер ұйымының қоғамдық жұмыстары мен жастарды әскери-патриоттық тәрбиелеуге белсене қатысады. Полковник Атабек Салихбаев әр ардагерге «Шығыс» ӨңҚ қолбасшысының атынан алғыс хаттар табыстады. Қазақстан Ішкі істер органдары және Ұлттық ұлан ардагерлер кеңесінің қаулысымен ардегерлер ұйымының жұмысына жас қызметкерлерді қазақстандық патриоттық рухта тәрбиелеуге және олардың кәсіби шеберліктерін шыңдауға қосқан үлесі үшін отставкадағы майор Чирва Виталий Фёдоровичті «ІІМ-нің құрметті ардагері» төсбелгісімен марапаттады.
Ардегерге төс белгіні Айдар Ахметқалиұлы өз қолымен табыстап, жылдан жылға жасай беруіне тілектестік білдірді.
Дәл осы қаулымен Курчатов қаласындағы 3514 әскери бөлімінің ардагерлер кеңесінің төрағасы, сапастағы аға прапорщик Четвергов Владимир Сергеевич «Ардагерлер қоғамына қосқан үлесі үшін» қоғамдық медальімен марапатталды.
– Біз ардагерлерді қашанда құрмет тұту керекпіз.Өйткені, алдағы буын ағаларға қарап, жастарымыз бой түзейді.Сондықтан, біз әр мерекеде өз ардагерлерімізді ұмытпай, үйлеріне арнайы барып, сыйлықтар мен алғыс хаттарымызды табыстап,барынша құрмет көрсетіп келеміз!-дейді Атабек Қуандықұлы.
Бағдат Амангелді, «Шығыс» өңірлік қолбасшылығының баспасөз қызметі бастығы
