Кеше абаттандыру және санитарлық тәртіпті қалпына келтіру мақсатында қаланың орталық бөлігінің 15 көшесінде жалпықалалық сенбілік өткізілді.
Өздеріңіз білетіндей, бұған дейін біз Семей көшелерінде тазалық сақтауға көмектесетін “Көшелерді қамқорлыққа алу” жобасын таныстырдық. Семей көшелеріне бекітілген мемлекеттік мекемелер басты ұйымдарымен бірлесіп кәсіпорындардың қызметкерлерін, шағын және орта бизнес нысандарының меншік иелерін, барлық немқұрайлы емес тұрғындарды жалпы қалалық сенбілікке белсенді қатысуға тарту үшін дайындық жұмыстарын жүргізді.
- Осы көшелерді аралап өткеннен кейін белгілі бір нәтижелер бар деп айта аламыз. Алайда, бұл жеткіліксіз. Шағын және орта кәсіпкерлік объектілерінің меншік иелері іргелес аумақтардың тазалығын қадағалауы қажет. Облыс мәслихатының 2021 жылғы 23 сәуірдегі шешімімен қабылданған ШҚО қалалары мен елді мекендерінің аумағын абаттандыру қағидаларында белгілі бір талаптар бекітілген. Онда объектілердің меншік иелері коммуналдық шаруашылық ұйымдарымен іргелес аумақты (автотұрақтар, бокстық гараждар, ангарлар, қосалқы қойма құрылыстары, құрылыстар, сауда және қызмет көрсету объектілері) санитарлық тазартуды және жинауды қамтамасыз ететіні немесе оны өз бетінше жүргізетіні анық жазылған. Сондықтан да мен ұйымдар мен кәсіпорындар басшыларын, нысандардың меншік иелері мен қала тұрғындарын қаламыздың тазалығына жауапкершілікпен қарауға тағы да шақырғым келеді. Тек бірлескен күш-жігердің арқасында біз Семейімізді жайлы және таза қала ете аламыз, – деді қала басшысы.
Semeynews.kz
