Германияның батысындағы су тасқынынан зардап шеккендердің саны 156-ға жетті, жүздеген адам әлі күнге дейін хабар-ошарсыз кетті деп саналады. Бұл туралы жексенбіде белгілі болды.
Сонымен, бүгін таңертең Рейнланд – Пфальц полициясы осы жердегі су тасқынынан зардап шеккендердің саны 110-ға дейін өскенін хабарлады. Олардың саны одан да көп болады деп күтілуде, өйткені жүздеген адамдар әлі де хабар-ошарсыз кеткен деп саналады.
Ауа райының қолайсыздығынан зардап шеккен Солтүстік Рейн-Вестфалия жерінде 17 шілдеде кешке 45 адам қаза тапқаны туралы хабарланды. Тағы бір адам Бавариядағы су тасқынының құрбаны болды.
Су тасқынынан зардап шеккен аудандарда авариялық-құтқару жұмыстары жалғасуда. Оған ондаған мың адам жұмылдырылған.
Зардап шеккен аудандарда су біртіндеп кетіп жатқандықтан, адамдар үйінділерді тазарту үшін ауылдар мен қалалаға оралды. Сонымен қатар олар арнайы жерлерде тамақтанып, түнеп жүр, өйткені көптеген адамның үйлері қираған.
Ойскирхен маңындағы Штайнбахтальшперр аймағында төтенше жағдай қызметі бөгетті бекітуге тырысып жатыр. Жергілікті биліктің айтуынша, бөгеттің төменгі жағында орналасқан аудандарды су басу қаупі әлі де бар.
Semey News
