Директордың хирургия жөніндегі орынбасары Ермағамбет Қуатбаев және аритмолог дәрігер Шалқар Смағұлов Атырау облыстық кардиологиялық орталығының базасында шеберлік-класс өткізді. Кардиологиялық орталықтағы әріптестерімен бірлесе отырып, келесі операцияларды сәтті орындады:
- Кардиостимуляторды орнату
- Жүрек ырғағының бұзылуы кезіндегі радиожиілікті абляциясы
- Жұмыс істейтін жүрекке аортокоронарлық шунттау
- Қос жармалы қақпақшаны жөндей отырып, аортокоронарлық шунттау
Науқастар операциядан кейін өздерін жақсы сезінеді және қазіргі уақытта қалпына келуде.
Сондай-ақ, дәрігерлер 50-ден астам пациентке кеңес берді, клиникалық жағдайларды талдады және жедел жүрек/тыныс алу жеткіліксіздігінде, атап айтқанда, COVID-19-ға шалдыққан пациенттерге ЭКМО жүргізу мүмкіндігін талқылады. Шеберлік-класс аясында одан әрі ынтымақтастық жүргізу мәселесі талқыланды.
Semey News
