Семейде жол таңбаларын жаңарту жұмыстары жалғасуда

Семей қаласында жол таңбаларын жаңарту жұмыстары жүргізіліп жатыр. Аталған жұмыстар қала жолдарындағы қауіпсіздікті арттыруға және көлік қозғалысын тиімді ұйымдастыруға бағытталған.

Бірінші кезекте негізгі көшелер, жаяу жүргіншілер өткелдері, сондай-ақ мектептер мен басқа да әлеуметтік нысандардың маңындағы учаскелер қамтылуда.

Жұмыстар ауа райының қолайлы болуына байланысты кезең-кезеңімен жүзеге асырылуда. Осыған байланысты кейбір көшелерде уақытша қозғалыс шектеулері енгізілуі мүмкін, сондықтан қала тұрғындары мен жүргізушілерден түсіністікпен қарау сұралады.

Жүргізіліп жатқан жұмыстардың сапасы мен мерзімінде орындалуы жауапты бөлім тарапынан тұрақты бақылауда.

Semeynews.kz