Абай облысының Көкпекті ауданында қардан тазалау жұмыстары қарқынды жүргізілуде

Көкпекті ауылында 40 см, қалған елді мекендерде 30-35 см қар жауды. Осыған байланысты коммуналдық қызметтер аудан және ауылішілік жолдарды қардан тазарту жұмыстарын қарқынды жүргізуде, – деп хабарлайды Semeynews.kz.

Қазіргі таңда барлық бағытта жұмыстар жүргізілуде. Жалпы, қар тазалауға 20-дан астам техника мен 80 адам жұмылдырылған.

Сондай-ақ, М-38 халықаралық тас жолының «Қалбатау-Көкпекті» учаскесінде 6 бірлік техника пайдаланылып, қардан тазалау жұмыстары жүргізілді. Облыстық маңызы бар «Көкпекті-Васильев» автожолының «Көкпекті-Аққала» учаскесінде 2 бірлік техника пайдаланылылуда.

Semeynews.kz