Биыл Семей қаласының әкімдігі қаланың орталық бөлігін ғана емес, шеткері аумақтарды да дамыту жоспарын әзірлеп, жаз маусымында шалғай кенттер мен елді мекендерді абаттандыру жұмыстарын жүргізді, – деп хабарлайды Semeynews.kz.
Атап айтқанда, ағымдағы жылы Шығыс кентіндегі Целинная, А. Көшкінбаева, 1, 7 линия, Декоративная көшелерінде асфальт төсеу жұмыстары жүргізілді. Сондай-ақ, Шығыс кентінде ескірген аялдама павильондары ауыстырылып, жаңа жол белгілері орнатылды. Шығыс кентінің саяжай массивтерінде 50-ден астам қоқыс контейнерлері орнатылды.
Бұдан бөлек, 4 саяжай, 5 линия, 10, линия, 11 линия көшелерінде жалпы саны 100 жарық бағаналары орнатылып, жарықтандыру жүргізілді.
Айта кетейік, бүгінде Шығыс кентінде аумағы 8 мың шаршы метр аумаққа салынған Декоративная көшесіндегі қоғамдық кеңістік қолданысқа берілген болатын.
Semeynews.kz
