Семейде Мұхтар Әуезовтің 125 жылдығына орай қандай іс-шаралар өтеді
28-30 қыркүйек аралығында Абай облысында жазушы Мұхтар Әуезовтің 125 жылдығын атап өтеді, – деп хабарлайды Semeynews.kz.
Мұхтар Әуезовтің 125 жылдығы 28 қыркүйек күні таңертең Семей қаласында жазушының ескерткішіне гүл шоқтарын қою рәсімімен басталады.
Одан кейін Шәкәрім атындағы университетте республикалық ғылыми-практикалық конференциямен жалғасады.
Конференциядан кейін “Жидебай-Бөрілі” музейінде экскурсия өтеді. Оның аясында қатысушылар ұлы жазушының өмірі мен шығармашылығымен жақынырақ таныса алады.
29 қыркүйек – Қарауыл ауылында қазақ күресінен іріктеу турнирі өтеді. Сонымен қатар Қарауыл ауылында Кеңгірбай би ескерткіші ашылады.
Қарауыл ауылындағы Абай саябағында Абай Құнанбаев бюстінің ашылуы өтеді. Жидебайда журналист Әсет Мырзақасымның Абай туралы кітаптарының тұсаукесері өтеді.
Күн мерекелік гала-концертпен аяқталады.
30 қыркүйек күні Қарауылтөбеде қазақ күресінен турнирдің финалы, ұлттық ойындар және жеңімпаздарды марапаттау өтеді.
Semeynews.kz
