Семейліктер шағын Отанына инвестиция салуға дайын
Жергілікті кәсіпкерлер өңірдің ауыл шаруашылығын дамытуға дайын екендіктерін білдірді, – деп хабарлайды Semeynews.kz.
Облыстың аграрлық секторын өңіраралық белдеуіне айналдыру-түйінді міндеттердің бірі. Бұл туралы жергілікті кәсіпкерлермен кездесу барысында Абай облысының әкімі Нұрлан Ұранхаев мәлімдеді.
Ол облыстың географиялық орналасуын ірі өнеркәсіптік аймақтар – Өскемен, Павлодар және Қарағанды шеңберлерінде пайдалану маңызды екенін атап өтті.
Бұл ретте, фермерлер үшін жағдай жасап, облыс бойынша бордақылау алаңдарын, ет комбинатын және тағы басқаларын ашу қажет.
Сонымен қатар, кәсіпкерлер ет өнеркәсібі және мал шаруашылығы орталығының бұрынғы даңқын туған қаласына қайтаруға дайын екендіктерін мәлімдеді. 80-ші жылдары Семейде тері мен жүнді қайта өңдеу сияқты ет консерві комбинаттары, шұжық цехтары және өндірістері түріндегі қайта өңдеу кәсіпорындары дамыған еді.
Ауыл шаруашылығындағы осы тарихи экономикалық әлеуетті жандандыру қазіргі заманғы технологиялар мен әзірлемелерді енгізуге, жаңа фермерлік шаруашылықтарды, жұмыс орындарын ашуға және шетелдік инвестицияларды тартуға мүмкіндік береді. Секторды дамытудың Жол картасын әзірлеу қажет.
Semeynews.kz
