ӘлемҚазақстанСпортТОП

Азия Чемпионаты: Қазақстанның әйелдер командасы жарысты жеңіспен бастады

Бүгін Иорданияда гандболдан әйелдер арасындағы Азия чемпионаты басталып, Қазақстан командасы алғашқы кездесуін өткізді деп хабарлайды Semeynews.kz Olympic.kz сілтеме жасап.

Топтағы бірінші кездесуде қазақстандықтар Гонконг командасымен кездесіп, 33:18 есебімен жеңіске жетті.

Жарысқа қатысатын 12 құрама екі топқа бөлінген. Қазақстан қыздары А тобында Оңтүстік Корея, Гонконг, Сингапур, Қатар, Өзбекстан құрамаларымен сынға түседі.
Алдымен қазақстандық гандболшылар енді 16 қыркүйекте Гонконг, 17 қыркүйекте Өзбекстанмен шеберлік байқасады. Ал 21 қыркүйекте Оңтүстік Кореямен кездеседі.
Ал В тобында Иордания, Жапония, Иран, Үндістан, Кувейт, Ауғанстан бар.
Азия чемпионатында 23 қыркүйекте жартылай финал өткізілсе, финал 25 қыркүйекке белгіленген.
Айта кетсек, құрлықтық дода 1987 жылдан бері тұрақты түрде өткізіліп келеді.
Бұған дейін Оңтүстік Корея 14 мәрте чемпион атанды. Ал Қазақстан құрамасы 2002 және 2010 жылдары екі мәрте жеңімпаз тұғырынан көрінді. Ал Жапония бір мәрте алтыннан алқа тақты.

Semeynews.kz

Осы айдарда

Back to top button