Семей қалалық полиция басқармасының баспасөз қызметі берген мәліметтер бойынша, 27 шілдеде Әуезов АПБ Восход кентінің 52 жастағы тұрғыны жүгініп, ағымдағы жылдың 1 маусымында “Семей-Қарауыл” тас жолы бойында, қаладан 70 шақырым жерде орналасқан шаруа қожалықтың еркін жайылымынан бейтаныс тұлға 2 қойын ұрлап кеткенін хабарлаған. Осылайша 100 000 теңге сомасында шығын келтірілген.
- Криминалдық полиция қызметкерлерімен жүргізілген жедел-әздестіру шаралары барысында еш жерде жұмыс істемейтін, бұрын сотты болмаған Семей қаласының 48 жастағы тұрғыны анықталып, ұсталды. Күдікті өз кінәсін мойындады. Аталған факті бойынша ҚР ҚК 188-бабының 1-бөлігі бойынша сотқа дейінгі тергеу амалдары жүргізілуде – деді Семей қалалық ПБ бастығы Шалқан Құнанбаев.
Semey News
