Полиция департаменті прокуратураның тыйым салуына сілтеме жасап, болған жайт бойынша түсіндірме бермеді. Бірақта, денсаулық сақтау басқармасының хабарлауынша, бала өз-өзіне абайсызда атып алған көрінеді.
“Жасөспірім 2009 жылғы, үйде жалғыз болған. Сол уақытта ата-анасы үйде болмаған. Абайсызда жасөспірім өзіне, мойын тұсына оқ атып алған. Жедел медициналық жәрдем бригадасы келгенше бала оқиға орнында көз жұмды”, – деп хабарлады БҚО денсаулық сақтау басқармасында.
Ақпарат Бөкейорда аудандық әкімдігімен расталды.
“Қайғылы оқиғаның барлық мән-жайын білмейміз. Ұл бала толық, жеткілікті отбасында тәрбиеленген. Ешқандай проблемалары болмаған. Қазір осы қайғылы жағдай бойынша құқық қорғау органдары тергеу амалдарын жүргізуде”, – деді аудандық әкімдікте.
Semey News