Үміткер Арман Төлеуханов «Семавтопарк» ЖШС ұжымымен кездесті
Семей қалалық мәслихатына депутаттыққа үміткер Арман Төлеуханов «Семавтопарк» ЖШС ұжымымен кездесіп, өзінің «Халықпен бірге – жарқын болашаққа!» атты сайлауалды бағдарламасын таныстырды.
Кездесу барысында Арман Төлеуханов өзінің сайлауалды бағдарламасының негізгі бағыттарына тоқталып, халықтың әл-ауқатын жақсартуға бағытталған бастамаларын жан-жақты түсіндірді. Ол қоғамдық көлік қызметін жетілдіру, жұмысшылардың еңбек жағдайын жақсарту, еңбеккерлердің құқықтарын қорғау және инфрақұрылымды дамыту мәселелерін баса айтты.
Сонымен қатар, үміткер ұжым мүшелерінің ұсыныс-пікірлерін тыңдап, олардың жұмыстағы өзекті мәселелері мен күнделікті кездесетін қиындықтары жайлы білді. Қоғамдық көлік саласындағы негізгі проблемалар – жалақының деңгейі, техникалық жабдықтардың жағдайы және еңбек қауіпсіздігіне қатысты сұрақтарды шешу бойынша нақты шаралар қабылдауға уәде берді.
– «Біздің болашағымыз – әрбір тұрғынның әл-ауқатына байланысты. Сіздердің мәселелеріңізді шешу үшін белсенді жұмыс істеймін және сіздердің дауыстарыңыз – ортақ жетістігіміздің негізі», – деп атап өтті үміткер.
* №11 сайлау округі бойынша Семей қалалық мәслихат депутаттығына үміткер А. Төлеухановтың сайлау қорынан төленді
