Семейлік дәрігерлер инсульт алған науқастың өмірін аман алып қалды
Инсультке арналған ми операциясы сирек кездеседі, бірақ кей жағдайда медициналық араласуды қажет болады. Мидың айтарлықтай ісінуі немесе қан құйылуы бар ауыр инсульттерде краниотомия бас сүйегінің ішіндегі қысымды жеңілдету және мидың одан әрі зақымдануын болдырмау үшін негізгі процедура болуы мүмкін.
Мидың мұндай операциялары жоғары білікті мамандар мен заманауи медициналық жабдықтарды қажет ететін ең күрделі хирургиялық араласулардың бірі болып саналады.
«ӘМСҚ» КЕАҚ Абай облысы бойынша филиалында хабарлағандай, егер науқас сақтандырылмаса, ота 1 миллион 400 мың теңге тұратын еді.
Жедел жәрдем ауруханасына Семей қаласының 1970 ж.т. тұрғыны инсульттің белгілерімен жеткізілді. Науқасқа шұғыл госпитализация және медициналық көмек қажет болды. Денсаулық жағдайы қалыпқа келгеннен кейін тереңдетілген диагностика жүргізілді: компьютерлік томография және МРТ.
Операция жасаған нейрохирург Төлеуғали Қойшыбаевтың айтуынша, науқастың жағдайы өте ауыр болып, комаға түскен.
«Нәтижелері бойынша жедел субдуральды гематома анықталды. 30 минут ішінде нейрохирургтер декомпрессиональды краниотомия жасауды шешті, содан кейін 120 мм жедел субдуральды гематоманы алып тастады», – деп атап өтті нейрохирург.
Операциядан кейінгі науқас өзіне келді. Қазіргі уақытта ол жалпы палатада, өз бетінше қозғалады, шағымы жоқ.
«Алдағы уақытта отбасы мүшесі міндетті әлеуметтік медициналық сақтандыру (МӘМС) есебінен оңалту емделуін де алады», – деді Төлеуғали Қойшыбаев.
Semeynews.kz
