Семейдің бас жоспары әзірленуде
Мемлекет басшысының тапсырмасына сәйкес Абай облысының әкімі Нұрлан Ұранхаев жоспарланған жұмыстар бойынша кездесу өткізді. Өңір басшысы қала әкіміне, облыс әкімінің орынбасарына, бірқатар басқармалардың басшыларына Абай облысының әкімшілік орталығы халқының болжамды өсуін ескере отырып, бас жоспарды әзірлеуге кірісуді тапсырды, – деп хабарлайды Semeynews.kz.
Президент Қасым-Жомарт Тоқаевтың тапсырмасына сәйкес Семей қаласы Астана, Алматы, Шымкент және Ақтөбемен қатар елдің қарқынды дамуының тағы бір полюсі, сауда-логистикалық, инвестициялық орталық және өмір сүруге ыңғайлы қала болуға тиіс.
Нұрлан Ұранхаевтың айтуынша, Семейдің географиялық жағдайы оның жоғары транзиттік әлеуетін, сондай-ақ Павлодар-Семей-Өскемен өнеркәсіптік белдеуінің инновациялық орталығы ретінде орналасу мүмкіндігін алдын ала анықтайды. Сондықтан жұмысқа кірісу керек.
Мәдени-тарихи маңызы бар, сондай-ақ жаңа мәртебеге ие бола отырып, Семей болашақта еліміздің креативті қалаларының біріне айналуы мүмкін. Семей қалалық кеңістігін жоспарлаудың заманауи тәсілдерін пайдаланған кезде Солтүстік-Шығыс және Шығыс Қазақстан халқы үшін тартылыс нүктесіне айналады.
2035 жылға қарай халықтың өмір сүру сапасы едәуір артады, нәтижесінде табиғи өсу коэффициенті артады, ал іскерлік белсенділік пен қаланың ірі экономикалық орталық ретіндегі маңыздылығын арттыру есебінен басқа өңірлерден халық ағынының қарқыны артады. Осы факторларды, сондай-ақ урбанизацияның табиғи процесін ескере отырып, қала халқының саны шамамен 520 мың адамды құрайды.
Semeynews.kz
