Семейде “Arup” халықаралық сарапшыларымен кездесу өтті
Бүгіннен бастап Семейде “Жасыл Семей қаласы” іс-қимыл жоспарының” басымдықтарын нақтылау, пайымдары мен стратегиялық мақсаттарын әзірлеу бойынша Arup компаниясының халықаралық сарапшылар тобымен кездесулер басталады, – деп хабарлайды Semeynews.kz.
Бұл “Жасыл қала” жоспарын іске асыруға мүдделі тұлғалардың түрлі санаттарымен алғашқы кездесу емес – мамыр айында сарапшылар, әкімдік пен мемлекеттік органдардың өкілдері, қоғамшылдар мен журналистер назар аударуды және іс-қимылды талап ететін маңызды проблемалар туралы мәселелерді көтеру үшін жиналған болатын.
“Мамыр айындағы сапар басымдылыққа арналды: қандай проблемалар бар екенін, олардың қайсысы басым екенін анықтау керек болды. Қазір әріптестеріміз қалалық даму, көгалдандыру, су ресурстары, энергетика, топырақтың ластануы және т.б. тақырыптық бағыттар бойынша кеңейтілген сарапшылар құрамымен келді. Алдағы уақытта осы кездесулердің негізінде барлық ақпаратты жинап, сарапшылар іс – қимыл жасай бастайды, қажетті ресурстардың көлемін есептейді”, – деді «Семей жасыл қала» іс-қимыл жоспарын әзірлеу” жобасының мүдделі органдармен өзара іс-қимыл жөніндегі кеңесші Юлия Натарова.
Халықаралық сарапшылармен кездесуде қалалық жоспарлау және ғимараттар, табиғи аймақтар мен ағаш отырғызу, зияткерлік жүйелер мен цифрландыру, өнеркәсіптік-энергетикалық сектор, қоғамдық көлік және басқа да бағыттар бойынша мәселелерді талқылау жалғасты. Одан арғы кездесулер барысында проблемаларды жою үшін қабылданған шараларды жүзеге асыру тетігін, қаржыландыруды және қандай қадамдар мен қажетті іс-қимылдарды айқындау жоспарлануда.
Semeynews.kz
