Абай облыс әкімінің ҚР Конституциясы күнімен құттықтауы
Құрметті жерлестер!
Сіздерді Қазақстан Республикасының Конституциясы күнімен шын жүректен құттықтаймын!
Биыл тәуелсіздігіміздің айқын айғағына, мемлекетіміздің саяси тұрақтылығы мен қоғамдық келісімінің берік тірегіне айналған Ата Заңымыздың қабылданғанына 30 жыл толып отыр.
Кешегі Күлтөбенің басындағы келелі кеңестерден туған «Әз-Тәукенің жеті жарғысы» аталатын жаңа мизамда жазылған «Әділетті қоғам», Абай жазған «Қарамола ережесінде» қамтылған «Әділдік», Алаш арыстары аңсаған «Теңдік» – Мемлекет басшысы Қасым-Жомарт Кемелұлы Тоқаевтың «Заң мен Тәртіп» қағидасына негізделген «Әділетті Қазақстан» тұжырымдамасында бір арнада тоғысты.
Осы ұлы құндылықтармен үндесіп жатқан «Әділдік бар жерде ынтымақтың туы жығылмас» деген халық даналығы бүгінгі Конституцияның рухымен ұштасып, мемлекетіміздің жарқын болашағына жол сілтеп тұр.
Біз Ата Заңымызды ардақтап, елдігімізді нығайтып, әділет пен бірлікті сақтасақ, мемлекетіміздің мерейі үстем, болашағымыз жарқын болатыны сөзсіз.
Баршаңызға мықты денсаулық, еңбектеріңізге табыс, отбасыларыңызға амандық тілеймін!
Берік Уәли,
Абай облысының әкімі
