Абай облысының әкімі өңір тұрғындарын мерекемен құттықтады
Deprecated: Function strftime() is deprecated since 8.1, use IntlDateFormatter::format() instead in /var/www/vhosts/018.kz/semeynews.kz/wp-content/plugins/qtranslate-x -disabled/qtranslate_core.php on line 713 Deprecated: Function strftime() is deprecated since 8.1, use IntlDateFormatter::format() instead in /var/www/vhosts/018.kz/semeynews.kz/wp-content/plugins/qtranslate-x -disabled/qtranslate_core.php on line 750
Абай облысының әкімі Нұрлан Ұранхаев облыс тұрғындарын Конституция күнімен құттықтады, – деп хабарлайды Semeynews.kz.
Құрметті жерлестер!
Сіздерді Конституция күні мерекесімен шын жүректен құттықтаймын!
Негізгі заң – елдегі тұрақтылықты, бейбітшілік пен келісімді қамтамасыз ететін жасампаздық пен өркендеудің берік кепілі. Былтыр 5 маусым күні еліміздің Конституциясына өзгерістер мен толықтырулар енгізу жөніндегі жалпыұлттық референдумда Президенттің бастамаларына халық қолдау білдіріп, болашаққа деген сенімін көрсетті.
Қолданыстағы Ата Заңымызда азаматтардың құқықтары мен бостандықтары, соның ішінде жеке адамның жан-жақты еркіндігі, қоғамның идеологиялық және саяси әр алуандағы, экономикалық қатынастардың орнығуы әлемдік талаптарға сәйкестендірілген.
Сондықтан заң бойынша өмір сүру және еліміздің басты құжаты Конституцияны құрметтеу – әр азаматтың борышы.
Сіздерді Конституция күнімен құттықтай отырып, дендеріңізге саулық, шаңырақтарыңызға құт-береке тілеймін!
Ата Заңымыздың мерейі мен мәртебесі арта берсін!
Құрметпен,
Абай облысының әкімі Н.Ұранхаев
