Семейде 2023 жылғы 12 – 16 сәуір аралығында «Семей қалалық дене шынықтыру және спорт бөлімі» ММ ұйымдастыруымен Балалар мен жастардың шығармашылық сарайында ардагерлер арасында волейболдан қалалық ашық біріншілік өтті, – деп хабарлайды Semeynews.kz.
Жарысқа 6 команда, «Әкімдік», «Үлгілі малшы», «Бесқарағай», «№ 33 мектеп», «Силикат», «Жастар сарайы» өзара айналмалы жүйе арқылы күш сынасты.
Бес күнге созылған тартысты бәсекеде командалар жүлделі орындарды келесідей бөлісті:
ІІІ орын – Бесқарағай ауданының командасы;
ІІ орын – Қ.Рысқұлбеков атындағы № 33 орта мектеп командасы;
І орын – «Үлгілі малшы» командасы.
Сонымен қатар спортшылар жеке номинациялар бойынша марапатталды:
«Жасы үлкен ойынша» – Умирбеков Ертай;
«Үздік ойынша» – Естаев Ержан;
«Үздік қорғаушы» – Толымханов Әділет;
«Үздік байланыстырушы» – Калиясов Біржан;
«Үздік шабуылшы» – Должиков Михаил.
Жеңімпаз командалар мақтау қағазы мен кубокпен және медальдармен, жеке номинация бойынша марапатталған ойыншылар грамоталармен марапатталады.
Ойынның бас төрешісі – Айжақсин Олжас Мұхамедьярұлы.
Semeynews.kz
