Абай облысының полицейлері әкесі мен баласын табыстырды

Павлодар қаласының тұрғыны ұзақ уақыт бойы әкесін көрмеген. Жас жігіт 2 жаста болғанда, ата-анасы ажырасып кеткен, бала сол уақытта анасымен бірге Павлодар қаласына кеткен, – деп хабарлайды Semeynews.kz.

Қасиетті Рамазан айында ол өзінің балалық арманын орындап, әкесін қайта көруді шешті. Осыдан кейін Семей қаласының полицейлерінен көмек сұраған.

Әуезов полиция бөлімінің учаскелік инспекторы полиция капитаны Әділ Баймурин толыққанды іздеуді ұйымдастырды және ер адамның әкесінің орналасқан жерін анықтады.

Оның әкесі ескі мекенжайда ұзақ уақыт тұрмағаны, пәтерін сатқаны және шаруа қожалығына жұмыс істеуге көшкені белгілі болды.

Бөлінгеннен бері арада 30 жыл өткен, ақырында учаскелік полицияның арқасында әкесі мен баласы бір-бірін қайта көрді.

Жас жігіт полицейлерге алғысын білдіріп, жақын арада әкесін өзіне алғысы келетінін айтты.

Semeynews.kz