Семейде дзюдодан жастар арасындағы Қазақстан Республикасының чемпионаты мәресіне жетті, – деп хабарлайды Semeynews.kz.
Қазақстан дзюдо федерациясының баспасөз қызметінен мәлім еткеніндей, ел біріншілігінің жекелей сайысында медаль саны бойынша Абай облысы (3 алтын, 1 күміс) көш бастады.
Ақтөбе облысы (2 алтын, 2 күміс) құрамасы екінші орыннан көрінсе, Қостанайдың (2 алтын) жас дзюдошылары үздік үштікті түйіндеді.
Қазақстан чемпионатының соңғы жарыс күнінде 19 команда аралас-командалық жарыс бойынша чемпионды анықтады. Нәтижесінде Жамбыл облысының жас татами шеберлері қарсылас шақ келтірмей, аралас-командалық жарыстың жеңімпазы атанды. Финалға шыққан Қарағанды облысы күмісті місе тұтса, Қостанай мен Алматы қаласының құрамалары қола жүлдені өзара бөлісті.
Төрт күнге созылған Қазақстан чемпионатына Астана, Алматы және Шымкент қалаларынан, сондай-ақ еліміздің 16 облысынан барлығы 517 спортшы қатысты.
Қазақстан дзюдо федерациясының президенті Қуанышбек Есекеевтің айтуынша, Абай облысында дзюдо спорты жақсы дамып келеді.
«Абай облысы – Қазақстанға мықты дзюдошылар сыйлаған өңір. Осы киелі жерден Олимпиадада және әлем чемпионаттарында елдің намысын абыроймен қорғаған көптеген татами шеберлері шықты. Соңғы рет дәл осындай чемпионат Семейде 10 жыл бұрын өткізілген еді. Ал осы жарыстың нәтижесі бойынша озық шыққан жеңімпаздар мен жүлдегерлер Қазақстан жастар құрамасына қосылатын болады. Біріншіліктің қорытындысы бойынша құрылған команда биылғы халықаралық жарыстарға, Азия және әлем чемпионаттарына қатысады. Кәсіби спорттың алғашқы кезеңі болып саналатын Қазақстан чемпионаты болашақ Олимпиада чемпиондарының жұлдызын жағатынына сенімдімін», – деді Қуанышбек Есекеев.
Дзюдодан жастар арасындағы Қазақстан чемпионатында жекелей сайыста мына спортшылар жүлдеге ілікті.
60 келі салмақта:
1.Аман Бақытжан (Ақтөбе облысы)
2.Қуанышбек Көмеков (Маңғыстау облысы)
3.Ұлан Елеусізов (Астана)
3. Айбол Кузеев (Жетісу облысы).
66 келі салмақта:
1.Бекасыл Бейсембаев (Абай)
2.Әділет Жолекеш (Маңғыстау)
3.Нұрсұлтан Жұбатқан (Маңғыстау)
3. Арман Насыр (Алматы).
–73 келі салмақта:
1.Әділет Алмат (Ақтөбе)
2.Досхан Жолжақсынов (Жетісу)
3.Уәлихан Шайхистан (Ақмола облысы)
3.Акбар Алтай (Қызылорда облысы).
-81 келі салмақта:
1.Жалғас Қайролла (Абай)
2.Нұржан Бисенов (Ақтөбе)
3.Әділ Адуахатов (Астана)
3.Мирлан Максим (Маңғыстау).
-90 келі салмақта:
1. Құдірет Досымов (Шымкент)
2. Родион Пантелеев (Алматы)
3. Дархан Жүнісхан (Алматы)
3. Бижан Садуақасов (Павлодар облысы).
-100 келі салмақта:
1. Нұрлас Әмірханов (Алматы)
2. Мирас Бақтыбай (Шымкент)
3. Бейсенбек Наурызбай (Маңғыстау)
3. Мақсат Махамадхашамұлы (Түркістан облысы).
+100 келі салмақта:
1. Нұрсұлтан Қаблан (Қостанай облысы)
2. Жантілек Нұртілепұлы (Маңғыстау)
3. Дінасыл Тәттімбет (Қарағанды облысы)
3. Дастан Баухан (Ақмола).
Қыздар:
48 келі салмақта:
1.Ирина Дубовская (Жетісу)
2.Аяулым Тұрдике (Жетісу)
3.Тасним Абдуали (Шымкент)
3.Нұрайлым Сәрсенбек (Ұлытау).
52 келі салмақта:
1.Құндыз Жылқыбай (Қызылорда)
2.Аяжан Мұхтарғали (Жетісу)
3.Әлима Жұмағалиева (Қарағанды)
3.Аружан Ережепова (Алматы облысы).
-57 келі салмақта:
1.Дана Абдирова (Атырау облысы)
2.Карина Каракенова (Абай)
3.Алтынай Нұрханова (Павлодар)
3.Ұлдана Үсейн (Шымкент).
-63 келі салмақта:
1.Самалай Ерғалиева (Қостанай)
2.Гүлнұр Баханова (Ақтөбе)
3.Ұлдана Таңжарықова (Жамбыл)
3.Ақтоты Зәріп (Қызылорда).
-70 келі салмақта:
1.Ажар Асхат (Абай)
2.Анастасия Морозова (Алматы)
3.Ақтолқын Қонысбек (Шымкент)
3.Әсемай Рүстемова (Қызылорда).
-78 келі салмақта:
1. Диана Тельбаева (Қарағанды)
2. Анастасия Нагачевская (Алматы)
3. Әлия Хожаназарова (Маңғыстау)
3. Шынар Абатова (Қызылорда)
+78 келі салмақта:
1.Карина Такиева (БҚО)
2. Толқын Тұрсынханова (Астана)
3. Наргиз Оразбекова (Астана)
3. Руслана Махатова (Қарағанды).
Дерек көзі: ҚазАқпарат
Semeynews.kz
