ВИДЕО:Семейде «Өлең сөздің дүлділі – Жамбыл ақын» атты онлайн мәнерлеп оқу акциясы өтті
Қазақстан Республикасы Тәуелсіздігінің 30 жылдығына орай, Қазақстан халқының тілдері күніне арналған «Тілдер шеруі» айлығы шеңберінде Жамбыл Жабаевтың 175 жылдығына арналып ұйымдастырылған «Өлең сөздің дүлділі – Жамбыл ақын» атты онлайн мәнерлеп оқу акциясына қаланың және қала маңындағы ауылдық мектептердің мұғалімі, оқушылары, сонымен қатар неміс, украин және татар этномәдени орталықтарының мүшелері қатысты, деп хабарлайды Semeynews.kz.
Акцияның ережесіне сәйкес қатысушылардың бейне-роликтері қаралып, жеңімпаздар анықталды:
І орын – Қайнар ауылының Бегалин атындағы жалпы орта білім беретін мектебінің 4 сынып оқушысы Аманкелдинов Нұрсұлтан
ІІ орын – Знаменка жалпы орта білім беретін мектебінің 7 сынып оқушысы Құдайбергенова Айша
ІІІ орын – № 38 жалпы орта білім беретін мектеп-лицейдің 9 сынып оқушысы Түйкенова Асылай.
Сонымен қатар, аталған акцияға ересектер арасынан белсене қатысқан Прииртышский кентінің Б.Исадилов атындағы жалпы орта білім беретін мектебінің қазақ тілі мен әдебиеті пәнінің мұғалімі Нұрболат Шакимардан «Өнерлі ұстаз» номинациясымен, ал осы шараға қатысқан ең кішкентай бүлдіршін Бегалин атындағы жалпы орта білім беретін мектептің 2 сынып оқушысы Ырысқалиева Айару «Ең жас мәнерлеп оқу шебері» номинациясымен, сонымен қатар аталған шараға Талдықорған қаласынан арнайы қатысқан ерекше қажеттіліктері бар жандар Абылгазина Меруерт, Оспанова Айжан, Аманбайева Лунара Ж. Жабаевтың «Ленинградтық өренім» өлеңін оқып «Әлемді жүрекпен тану» номинациясымен марапатталды.
Акция жүлдегерлері мен номинанттары мәдениет және тілдерді дамыту бөлімінің грамоталарымен және сыйлықтармен марапатталатын болады.
«Өлең сөздің дүлділі – Жамбыл ақын» атты онлайн мәнерлеп оқу акциясына қатысқан басқа үміткерлер де бөлімнің алғыс хаттарымен марапатталады.
Semeynews.kz
