Қала әкімі жөндеу жұмыстары жүргізіліп жатқан нысандарды аралады
Семей қаласының әкімі Нұрбол Нұрсагатов асфальттау жұмыстары жүргізіліп жатқан учаскелерге инспекциялық сапар жасады. Атап айтқанда, ол Би Боранбай көшесінен “Семей Инжиниринг” шлагбаумына дейінгі Батыс өндірістік торабы мен Матяш – Қосанов көшелерін аралап көрді.
Сондай-ақ, сапар барысында Нұрбол Нұрсагатов аулаларды абаттандыру жобаларымен танысты. Бүгінгі таңда абаттандыру жұмыстары 50-ге жуық ауланы қамтып отыр, онда бекітілген кестеге сәйкес шағын сәулет нысандары, орындықтар және жаттығу құралдары орнатылуда, бұл қала тұрғындары үшін жайлы және заманауи жағдайлар жасауда. Кейбір учаскелерде футбол алаңдары жабдықталатын болады.
Сонымен қатар, қала әкімі Тельман көшесі, 149 мекенжайындағы тұрғындармен кездесті. Бұл аула да абаттандыру процесінде. Тұрғындар аула аумағын жақсарту бойынша өз ұсыныстарын білдірді, және тиісті тапсырма қарау және орындау үшін ТКШ бөліміне берілді.
