Үржар ауданында бизнес-жобалардың жүзеге асырылуына гранттар берілуде
2024 жылы Үржар ауданында бекітілген кестеге сәйкес екі кезеңде 29 адамға 400 АЕК мөлшерінде жаңа бизнес-идеяларды іске асыруға гранттар беру жоспарлануда, – деп хабарлайды Semeynews.kz.
2024 жылдың 11 маусымында аудандық комиссияның қарауына бірінші лекте 55 үміткердің тізімі келіп түсті. Комиссия отырысында ұсынылған барлық жобалар егжей-тегжейлі қаралды. Оның ішінде 18 жоба мал шаруашылығына, қалған 37 жоба түрлі салаларға қатысты.
Жаңа бизнес-идеяларды жүзеге асыруға арналған гранттарға 14 үміткер ие болды. Олардың ішінде құс шаруашылығы, ара шаруашылығы, ешкі шаруашылығы, балалар ойын орталықтары, мектепке дейінгі білім беру, тігін, жүн өңдеу және қызмет көрсету жобаларының өкілдері бар.
Бұл жобалар отбасылық бизнесті құруға және олардың қатысушыларының өмір сүру деңгейін жақсартуға ғана емес, сонымен қатар ауданда қосымша жұмыс орындарын құруға мүмкіндік береді.
Semeynews.kz
