Абай облысында ЖКО салдарынан 4 адам ауруханаға жеткізілді

Облыстық Төтенше жағдайлар департаменті баспасөз қызметінің мәліметіне сүйенсек, оқиға наурыздың 16-нан 17-не қараған түні Бесқарағай ауданының аумағында болған.

«Республикалық маңызы бар «Семей-Павлодар» тасжолында келе жатқан көлік аударылып түсті. Жол апатынан 4 адам зардап шеккен. Апаттар медицинасы орталығының қызметкерлеріне олардың көмекке мұқтаж екендігі туралы хабар келіп түсті», – деп хабарлады ведомство өкілдері.

Медицина қызметкерлері сол жерге келгеннен кейін ақпарат расталды. Олар зардап шеккендерге дереу алғашқы көмек көрсетіп, түрлі жарақаттармен Бесқарағай ауылының орталық аудандық ауруханасына жеткізді.

Semeynews.kz