Абай облысының Көкпекті ауданында Ұлттық спорт ойындарының орталығы ашылды

Көкпекті ауданында Республика күні қарсаңында Абай облысында ең алғашқы Ұлттық спорт ойындарының орталығы ашылды, – деп хабарлайды Semeynews.kz.

Спорттық нысанның ашылуына аудан әкімі Ділдәбек Оразбаев, Абай облысы дене шынықтыру және спорт басқармасы басшысының орынбасары Дулат Советханұлы, ардагерлер спортшылар мен аудан тұрғындары қатысты.

Бүгінде Ұлттық ойындар орталығында бәйге, көкпар, аударыспақ, теңге алу, садақ ату, асық ату сияқты үйірмелер қызмет етеді.

Сонымен қатар, Көкпекті ауылының атшабарында орталықтың ашылуы құрметіне “Толағай” атты облыстық ұлттық ойындар фестивалі өткізілді. Фестиваль аясында командалық көкпар, топ бәйге, аламан бәйге жарысы өтті.

Semeynews.kz