Абай облысында Курчатов қаласы мен Абай ауданы әкімдерінің сайлауы өтеді

Бүгін Абай облысы мәслихатының кезектен тыс жетінші сессиясы өтті, – деп хабарлайды Semeynews.kz.

Сессия жұмысына Абай облысының әкімі Нұрлан Ұранхаев, мәслихат төрағасы, мемлекеттік мекемелердің басшылары мен бұқаралық ақпарат құралдарының өкілдері қатысты.

ҚР Қасым-Жомарт Тоқаев VIII шақырылымдағы ҚР Парламентінің бірінші сессиясының ашылу салтанатында биыл елімізде алғаш рет 45 аудан және облыстық маңызы бар қала әкімдерінің сайлауы өтетінін мәлімдеген болатын. Аталған 45 өңірдің 2-і Абай облысына тиесілі.

Абай облысы мәслихатының шешімімен пилоттық өңірлер болып табылатын Курчатов қаласы мен Абай ауданы әкімдерінің сайлауы 5 қараша күні өтеді деп бекітілді.

Алдағы сайлау – Президент тапсырмасының орындалуының айқын көрсеткіші, сондай-ақ Қазақстан тарихындағы жергілікті аудан (қала) әкімдерінің сайлауын өткізудегі алғашқы тәжірибе.

Semeynews.kz