Абай облысының Бесқарағай ауданында жаңа сәулеттік ескерткіш және ауыл клубы ашылды
![](https://semeynews.kz/wp-content/uploads/2023/08/372912376_284927217596356_1320516356182964023_n.jpg)
Бесқарағай аудананың орталығында «Жеті қазына» жаңа сәулеттік ескерткішінің, Бозтал ауылында ауылдық клубтың салтанатты ашылуы өтті, – деп хабарлайды Semeynews.kz.
Іс-шаралардың барлығы Конституция күніне орай ұйымдастырылды.
«Жеті қазына» монументі символдық жәдігер ғана емес, қазақ халқының қайталанбас салт-дәстүрін, құндылықтарын көрсететін, сондай-ақ, жеті санына байланысты рухани көзқарасты қалыптастыратын ескерткіш.
«Барлық кезеңде халық арасында жеті саны қасиетті саналды. Бұл ескерткіш өнер мен мәдениеттің символы ретінде қазақ халқының тарихындағы құндылықтардың маңызын еске салады», – деді аудан басшысы өз сөзінде.
Сонымен қатар, айтулы күні Бозтал ауылында жаңа ауылдық клуб ашылды. Жақын арада бұл жер ауыл тұрғындарының басын қосып, түрлі мәдени іс-шаралар өткізетін орынға айналады.
Айта кетсек, күрделі жөндеуден өткен ауылдық клуб ғимаратында бос уақытты пайдалы өткізуге барлық жағдай жасалған.
Semeynews.kz