Ағымдағы жылдың мамыр айының ортасында сағат 19.00 шамасында Семей қ. ПБ Әуезов полиция бөліміне облыс орталығының 44 жастағы тұрғыны хабарласып, сағат 17.00 шамасында Әуезов даңғылындағы №43 үйдің жанында белгісіз ер адам соққыға жығып, 190 000 теңге сомасында оның ақшалай қаражатын ашық ұрлап кеткенін хабарлаған.
Жедел-іздестіру іс-шараларын жүргізу нәтижесінде полиция қызметкерлері «ізін суытпай» қаланың 51 жастағы жұмыссыз тұрғынын анықтап ұстады. Жауап алу барысында күдікті кінәсін мойындады. Осы факті бойынша ҚР ҚК-нің 191 – бабы 1-бөлігі – «Тонау» бойынша сотқа дейінгі тергеу басталды. Күдікті УҰИ қамалды. Қазіргі уақытта полицейлер оның осындай қылмыстарға қатысы бар-жоғын тексеруде.
