Бұл туралы еліміздің әлеуметтік-экономикалық даму мәселелері жөніндегі кеңейтілген кеңес барысында облыс басшысы Нұрлан Ұранхаев айтып берді, – деп хабарлайды Semeynews.kz.
“340,5 мың шаршы метр тұрғын үй пайдалануға берілді. Осылайша, 3 352 отбасы тұрғын үймен қамтамасыз етілді. Жалпы, 2023 жылдың 3 айында макроэкономиканың белсенді дамуы байқалады. Құрылыс көлемі 156,8%, инвестициялар – 115,9%, өңдеу өнеркәсібі – 118,3% құрады. Бюджет 24,2 млрд теңгені құрайды”, – деді Нұрлан Ұранхаев.
Облыс басшысы бюджет шығыстары сумен жабдықтауды дамытуға екі есеге немесе 8,8 млрд теңгеге, жолдарды жөндеуге 3 есеге немесе 11 млрд теңгеге, білім беруге 1,2 есеге немесе 32,4 млрд теңгеге, денсаулық сақтауға 2 есеге немесе 4,8 млрд теңгеге және ауыл шаруашылығына 6 есеге немесе 17,7 млрд теңгеге ұлғайғанын хабарлады.
“Облыс орталығы мәртебесін алған Семей қаласының дамуына ерекше көңіл бөлінеді. Семей қаласының бюджеті биыл 50% – ға өсіп, 85,4 млрд теңгені құрады. ТКШ-ны қаржыландыру 1,4 есе және әлеуметтік қорғау 1,5 есе ұлғайтылды”, – деп қорытындылады Нұрлан Ұранхаев.
Semeynews.kz
