Семейде «Күміс жас» жобасына өтінімдер қабылдауда

Семей қаласының әкімдігі «Күміс жас» жобасына қатысуға 50 жастан асқан азаматтардың өтінімдерін қабылдайды, – деп хабарлайды Semeynews.kz.

Күміс жас – 50 жастан асқан азаматтарды жұмыспен қамтуға бағытталған, Кәсіпкерлікті дамытудың ұлттық жобасының бір бағыты.

«Күміс жас» жобасына қатысуға ниет білдірген үміткер жұмыссыз болуы және жұмыспен қамту органдарында тіркелген болуы керек. Яғни, электрондық еңбек биржасында жұмыссыз ретінде тіркелуі шарт.

Осыдан кейін ол өзінің жеке кабинетінің көмегімен, Жұмыспен қамту орталығына жүгіне алады.

Мекенжайы: Семей қаласы, Козбағаров көшесі, 40, байланыс телефоны: 8(7222)-32-93-15.

Semeynews.kz