Семейде сайлау күні жас отбасы шаңырақ көтерді

Бүгін сайлау күні Семей қаласының Неке сарайында жас отбасы үлкен өмірге қадам басты. Олар дәл осы күні үйленуді 3 ай бұрын жоспарлаған екен.

– Біздің шаңырақ көтеруіміз осындай айтулы датамен тұспа-тұс келгеніне өте қуаныштымыз. Осы күнді Наурыз мейрамына орайластырып таңдаған болатынбыз. 5-10 жыл өткеннен кейін сайлау күні шаңырақ көтерген едік деп еске алып отыратын шығармыз,- дейді жас отбасы.

Естеріңізге сала кетейік, Бүгін, сайлау күні қалада 149 сайлау учаскесі жұмыс істейді. Оның ішінде -19 жабық сайлау учаскесі.Жабық сайлау учаскелері – қандай да бір себептермен жалпы сайлау учаскелеріне келе алмайтын және әскери бөлімдерде, ауруханаларда, құқық қорғау органдарының мекемелеріндегі және т. б. азаматтар үшін жұмыс істейді.

Semeynews.kz