Үржарда әлеуметтік қызмет көрсету орталығының көмегімен “Саламатты болашақ” әлеуметтік жобасы аясында балалар мен жастар “Бочча” паралимпиадалық спорт түрімен айналысады. Тіпті церебральды сал ауруы, Даун синдромы, психикалық дамудың кешігуі сияқты диагноздармен де жаттығады, – деп хабарлайды Semeynews.kz.
Жаттығулар балаларға физикалық және психикалық денсаулықты жақсартуға, қарым-қатынас дағдыларын дамытуға және әлеуметтік оқшаулануды жеңуге мүмкіндік береді.
2018 жылдан бастап Саламатты болашақ жобасын Samruk Kazyna Trust қолдап келеді. Оның мақсаты – мүгедек балалар мен жастарды бейімдеу және инклюзивті спорт секцияларында жүйелі спортпен шұғылдануға, спорттық-бұқаралық іс-шараларға тарту және олардың спорттық жетілуін дамытуға жәрдемдесу.
Жобаға қатысатын мамандар Бейімделген дене шынықтыру бойынша тегін оқытылды.
Іріктеу жарыстарының жүлдегерлері 2023 жылдың маусым айында Астанада өтетін “Children Paralympic Games” жарысына қатысады.
Semeynews.kz
