Жыл басынан бері Абай облысында 151 мектепте интернет жылдамдығы 5 есеге артты

Жыл басынан бері Абай облысында 151 мектепте интернет жылдамдығы 5 есеге артты (2-4 мбит/сек-тен 10-20 Мбит/сек-ке дейін), – деп хабарлайды Semeynews.kz.

Бұл туралы Үкімет отырысында Абай облысының әкімі Нұрлан Ұранхаев мәлімдеді.

Қабылданған шаралар нәтижесінде интернет жылдамдығы төмен мектептер саны 33% – ға дейін қысқарды. Жыл соңына дейін бұл көрсеткішті 28% – ға дейін төмендету жоспарлануда.

Бүгінгі таңда Абай облысында барлық 303 мектеп интернетпен қамтамасыз етілген, оның ішінде 87-сі қалаларда, 228-і ауылдарда.

Биылғы жылы интернетті жақсарту үшін Абай, Үржар, Жарма аудандарында 20 ауылдық мектепте интернет жылдамдығын арттыруға мүмкіндік беретін 9 антенна-діңгек құрылысын салу көзделген.

Қалған 84 ауылдық мектеп (Бородулиха, Ақсуат, Аягөз, Бесқарағай аудандары) бойынша интернет жылдамдығын арттыру, техникалық мүмкіндікті анықтау және қажетті қаражатты есептеу бойынша қызмет көрсетушілермен жұмыс жүргізілуде.

Semeynews.kz