Семейде тағы 32 үйдің қасбетін жөндеу жоспарлануда

Сонымен қатар қаладағы үйлерде жаңа муралдар пайда болуы мүмкін, – деп хабарлайды Semeynews.kz.

Өткен жылы қаланың 17 үйінің қасбеті жаңартылды. Биыл тағы 32 үй жаңа келбетке ие болады деп жоспарлануда. Қазіргі уақытта сәулетшілер эскиздік жобаларды дайындауда. Бұл туралы журналистермен бейресми кездесуде Семей қаласының әкімі Нұрбол Нұрсағатов мәлімдеді.

“Мен бояйтын 32 үйді таңдадым. Үйлердің қасбеттері Шәкәрім, Уәлиханов, Момышұлы және тағы басқа көшелерде жаңартылатын болады. Егер үнемдеуге болатын болса, үнемделген қаражатқа тағы бірнеше үйді бояймыз. Сурет салу үшін эскиздік жобаларды дайындайтын сәулетшілер бар”, – деді әкім.

Сондай-ақ, биыл қаланың жекелеген үйлерінде муралдар пайда болуы мүмкін.

“Мен муралды да қолдануды ұсынамын. Мысалы, Шәкәрім көшесіндегі үйлердің бірінде Шәкәрім, Момышұлы көшесінде Бауыржан Момышұлының муралын салуды ұсындым. Біз үйлерді бірге таңдаймыз”, – деді Нұрбол Нұрсағатов.

Естеріңізге сала кетейік, өткен жылы қала орталығындағы үйлердің қасбеттері жаңартылған болатын. Алайда, мұндай жаңартуды бәрі бірдей бағалаған жоқ. Кейбіреулер үйлердің боялған түстерін сынға алып, үйлердің жаңа қызыл-сары көрінісін цирк шатырымен салыстырды. Басқалары орындалған жұмыстың сапасына шағымданды және алдымен ескі ғимараттарды жөндеумен, содан кейін оларды бояумен айналысу керек екенін атап өтті.

Semeynews.kz