Семейдегі жерасты өткелдерін көріктендіруге 80 миллион теңге бөлінеді

Семей қаласының әкімі Нұрбол Нұрсағатов журналистермен бейресми кездесуде жерасты жаяу жүргіншілер өткелдерін абаттандыру жоспарлары туралы айтты, – деп хабарлайды Semeynews.kz.

Қала басшысы бүгін жерасты өткелдерінің қанағаттанарлықсыз жай-күйін атап өтіп, бұрын орнатылған жарықтандыру жүйесі істен шыққан деп қосты.

“Бұрын орнатылған жарықтандыру жүйесінің бәрі бүлінген. Мен екі жаяу жүргіншілер өткелін тегін жасауды өтіндім, олар жасалды. Биылғы жылы өткелдерді абаттандыруға 80 млн теңге бөлінді. Ішкі құрылымды бояп, бейнекамералармен жабдықтағымыз келеді, барлық жерде жарық болуы үшін муралдарды салуды жоспарлаудамыз”, – деп түйіндеді әкім.

Semeynews.kz