Абай облысындағы жолдарда қар тазалау жұмыстары жүргізілуде

18.11.2022

Абай облысында республикалық маңыздағы жолдардың 7 учаскесінде және облыстық маңыздағы жолдардың 22 учаскеде қар тазалау жұмыстары жүргізілуде, – деп хабарлайды Semeynews.kz.

Бүгінгі таңда республикалық, облыстық және аудандық маңызы бар жолдардың барлық учаскелері бойынша патрульдеу және қар тазалау жұмыстары жүргізілуде. Күн сайын әр учаскеде арнайы техника жұмыс істеуде. Республикалық маңызы бар жолдарда -” Омбы-Майқапшағай” тас жолының 587-733, 756-1103 шақырымдарында; “Алматы-Өскемен” 615-768, 778-967, 971-1013 шақырымдарында; “Таскескен-Бақты” 0-187 шақырымында; “Семей-РФ шекарасы” 2-113 шақырымында; “Қарағанды-Аягөз-Тарбағатай-Бұғаз” 320-704, 707-941 шақырымдарында; “Семей-Қайнар” 8-284 шақырымында; “Өскемен-Семей” 103-198 шақырымында тазалау және құм себу жұмыстары жүргізілуде.