Семейде арықтарды қысқа дайындауда

Семей қаласының коммуналдық қызметтері барлық арық жүйесін қысқы кезеңге дайындауда, – деп хабарлайды Semeynews.kz.

Қалалық тұрғын үй-коммуналдық шаруашылық және тұрғын үй инспекциясы бөлімінің басшысы Амантай Өтелбаев облыс орталығындағы арықтардың ұзындығы 50 шақырымды құрайтынын, олар Мирный, Красный кордон, Шығыс кенттерінде және Омбы көшелерінде өтетінін айтты.

“Мемлекеттік сатып алуларға сәйкес “Семей Зеленстрой” кәсіпорны конкурсты жеңіп алды. Осы бағыт бойынша жұмыстар басталды. Қазір шөп шабу, қамыс шабу және арықтарды қоқыстан тазарту жұмыстары жүргізілуде. Бітелген құбырлар тазартылады. Жұмысшылар қыста судың тежелуі мүмкін болатын жерлерге тазартады. Арықтар бау-бақшалар арқылы да өтеді, бірақ бұл мәселені біз қазір үй иелерімен жеке пысықтап жатырмыз”, – деп түсіндірді А.Өтелбаев.

Сондай-ақ, ТКШ басшысы қыс мезгілінде жолдардағы барлық су өткізу құбырлары тазаланатынын атап өтті.

Semeynews.kz