Семейде қала күні қалай өтеді
Семейліктер қала күнін қалай мерекелейтіні белгілі болды, – деп хабарлайды Semeynews.kz.
Абай облысы әкімінің баспасөз қызметінің хабарлауынша, 18 қыркүйекте қала күні мерекеленеді. Мереке Абай-марафонымен басталады (3, 5 және 10 шықырымға жүгіру).
Марафон Абай көшесі, аспалы көпір, Тұрлыханов көшесі, сол жағалаудағы айналма жол, Тәңірбергенов, автожол көпірі (ескі көпір), Абай көшесіне шығатын Шмидт көшелерімен өтеді.
Еске сала кетейік, марафон уақытында аталған көшелерде көлік қозғалысы тоқтатылады.
Сонымен қатар осы күні сағат 09:00-ден 13:00-ге дейін жағалауда көрмелер, жас спортшылардың байқаулары, шахмат турнирі, сурет байқауы, флешмоб өтеді.
Невзоровтар отбасы атындағы, Абай, тарихи-өлкетану және Достоевский музейлерінде ашық есік күні өтеді.
Арбатта тарихи-өлкетану музейінің “Семей-өткенге саяхат” жылжымалы көрмесі жоспарланған. Орталық алаңда кітап көрмесін, библиокафені, Достық үйінің этно-мәдени орталықтары шеберлерінің қаласын, қала тұрғындарын онлайн құттықтауға арналған алаңды, М.Әуезовтің 125 жылдығына арналған жылжымалы көрмені көруге болады.
Сағат 11:00-ден кешке дейін Орталық алаңда мерекелік концерт өтеді. Сондай-ақ Ертіс жағалауында, Арбатта және Абай алаңында концерттік бағдарламалар қою қарастырылған.
Сағат 13:00-де Ертіс жағалауында талантты жастардың «Jastar fest» атты фестивалі өтеді, кейін мерекелік концерт және Семей қаласының туған күні құрметіне мерекелік отшашу атылады.
Бұл күні сондай-ақ аспалы көпір астындағы қоғамдық орын ашылады. Ол жерге уоркоут алаңқайлар, скейт парк, паркур алаңдары жасалған. Көпір асты алаңы бірнеше бөлікке бөлінген. Стритболға арналған спорттық аймақ, фитнес аймақ және балалар ойын алаңы.
Ертіс жағалауына жақын маңда тамақтану павильондары жұмыс істейді. Оның бәріне жарық пен көше жиҺазы қойылған.
Жалпы қала бойынша биыл 12 жаңа қоғамдық орындар жасалатын болады.
Қала күні және Абай облысының құрылуы, сонымен бірге Мұхтар Әуезовтің 125 жылдығы құрметіне Семей қаласында «Спартак» стадионында балалардың футбол турнирі өтеді.
Semeynews.kz
