ШҚО-да арнайы операция: Жақын шетелден тасымалданған ірі есірткі арнасының жолы кесілді
Шығыс Қазақстан облысы ПД Есірткі қылмысына қарсы іс-қимыл басқармасының қызметкерлері жедел әзірлемес барысында Семей және Өскемен қалаларына синтетикалық есірткінің ірі партияларын жеткізіп отырған адамдарды ұстады, деп хабарлайды Semeynews.kz.
ШҚО ПД баспасөз қызметінің хабарлауынша, ағымдағы жылдың қаңтар айында облыстың екі тұрғыны полицейлердің назарына ілікті. Олар өңірлерде интернет-дүкендері арқылы синтетикалық есірткілерді таратқан.
Өткізілген іс-шаралар нәтижесінде 28 және 24 жастағы екі ер адам Семей қаласында қылмыс үстінде ұсталды.
Тінту кезінде олардан жалпы салмағы 1,5 келіден асатын синтетикалық есірткі тәркіленді, бұл жастар арасында одан әрі сату үшін «қойып кетушілерге» беруге жоспарланған 5 мың бір реттік дозаға тең. Алдын ала бағалау бойынша «қара нарықта» тәркіленген есірткінің құны шамамен 30 млн теңге. Сонымен қатар, олар жалға алған пәтерлерде қылмыстық әрекетін растайтын басқа да дәлелдер, соның ішінде есірткіні өлшеп-орауға және өлшеуге арналған заттар табылды.
Тергеу мәліметтері бойынша, «жеткізу арнасы» Ресей Федерациясынан жолдау ұйымдастырылған, сол елден есірткіні біздің елге әртүрлі логистикалық көлік компаниялары арқылы жіберіліп отырған.
Заңсыз затты жасыру үшін есірткі автобөлшектерге салынып, есірткі қойып кетушілерге «посылка» түрінде беріліп отырған.
«Күдіктілердің әрекеттері ҚР ҚК-нің 296-бабы 4-бөлігі (есірткі құралдарын, психотроптық заттарды, олардың аналогтарын өткізу мақсатынсыз заңсыз дайындау, қайта өңдеу, сатып алу, сақтау, тасымалдау аса ірі мөлшерде) бойынша сараланады, оның санкциясы 7 жылға дейін бас бостандығынан айыру түріндегі жазаны көздейді. Қазіргі уақытта сотқа дейінгі тергеу жалғасуда, есірткінің заңсыз айналымына қатысы бар өзге де адамдар анықталуда», – делінген ведомство хабарламасында.
Semeynews.kz
