ШҚО ПД баспасөз қызметінің мәліметіне сүйенсек, облыстық полициейлермен тұрақты негізде заңсыз еңбек және жыныстық қанаумен, сондай-ақ жезөкшелікпен айналысуға тартуға байланысты қылмыстардың алдын алу бойынша профилактикалық және рейдтік іс-шаралар жүргізілуде.
Осындай рейдтер барысында жалдамалы пәтерлер, монша кешендері, қонақ үйлер тексерілді. Жыл басынан бері барлығы 3 факт анықталып құжатталды. Жезөкшелікпен айналысуға, оның ішінде кәмелетке толмаған адамды тартудың 1 фактісі және 24 жеңгетайлық фактісі анықталды.
Ағымдағы жылдың желтоқсан айының басында облыс орталығының 50 жастағы тұрғыны жалдамалы пәтерде притон ұйымдастырған, онда 20 жастан 35 жасқа дейін 5 бойжеткен анықталды, олар ақшалай сыйақы үшін интимдік қызмет көрсеткен.
Қазіргі уақытта аталған факті бойынша Қылмыстық кодекстің 309-бабы бойынша сотқа дейінгі тергеу басталды, оның санкциясы 5 жылға дейінгі мерзімге бас бостандығынан айыруды көздейтін.
Статистика көрсеткендей, қыздардың көпшілігі «оңай ақша» табу үшін осындай қадамға барады және ІІМ есебіне қойылса да бұл оларды тоқтатпайды.
Бұдан басқа, полиция қызметкерлері күн сайын интернет-ресурстарды пайдалана отырып, интимдік қызмет көрсететін адамдарды анықтау бойынша әлеуметтік желілерге мониторинг жүргізеді.
Осы жылдың басынан бастап осындай 27 сайт бұғатталды, ал онда өз сауалнамаларын орналастырған тұлғалар есепке қойылды.
Semeynews.kz
