Өскемен мен Семей қалаларында 10 дана “SOS” дабыл түймесі орнатылды
"Халық үніне құлақ асатын мемлекет" тұжырымдамасын іске асыру шеңберінде, сондай-ақ "полиция қадамдық қолжетімділікте" қағидаты бойынша Шығыс Қазақстан облысында "SOS" дабыл түймелері орнатылды, деп хабарлайды Semeynews.kz.
Облыс бойынша барлығы 10 батырмалар (Өскеменде-5 және Семейде-5) қарастырылған.
“SOS” дабыл түймесі құқыққа қарсы іс-әрекеттер туындаған жағдайда немесе төтенше жағдайларда дабыл сигналын беруге және полицияны шұғыл шақыруына арналған. Әдетте, олар ең танымал қоғамдық орындарда орнатылады. Батырманы басқан кезде ШҚО ПД жедел басқару орталығының операторымен автоматты түрде қосылу жүргізіледі, ол бейне және аудио арқылы онлайн-режимде өтініш берушімен байланысты ұйымдастыруға және оқиға туралы ақпаратты тіркеуге мүмкіндік береді.
Өскемен қаласында келесі мекенжайлар бойынша осындай 5 батырма орнатылған және жұмыс істейді:
1. Қабанбай батыр көшесі (“Заңғар”, “Ануар”, “Евразия” сауда үйлері ауданы),
2. Теміржолшылар көшесі (“Өскемен-1” теміржол вокзалы ауданы),
3. Абай даңғылы (“Заречный” базары ауданы, “Темірлан”, “Даниэль” сауда үйлері),
4. Виноградов-Грузинская көшесі (“Ивушка” сауда үйі, “Дос-Нар”базары ауданы),
5. Назарбаев даңғылы (ММҮ ауданы).
Семей қаласында сондай-ақ келесі мекенжайлар бойынша осындай 5 батырма орнатылған және жұмыс істейді:
1. Засядко-Уәлиханов көшесі (“Аркада”, “Аляска”, “Ақшын” сауда үйлері ауданы),
2. Ертістің ескі жағалауы (студенттер үйі, “Айкел”мейрамханасы),
3. Әуезов даңғылы (“Океан”, “Жаңа базар” сауда үйлері ауданы, “Әлем” кинотеатры),
4. Пушкин көшесі (Абай алаңы, “Старая мельница”, “Вдали от жен” кафелері ауданы),
5. Мұхамедханов к-сі (“ЦУМ”, “Рахат”, “Сулпак”, “Технодом” сауда үйлері ауданы).
Semeynews.kz
