ШҚО ПД баспасөз қызметі таратқан ақпаратқа сүйенсек, облыс аумағында “Мигрант” жедел профилактикалық іс – шарасы жүргізілуде.
“Көші-қон қызметінің қызметкерлері Алтай ауданы Зубовск ауылындағы ЖШС бірінде құрылыс материалдарын дайындау бойынша еңбек қызметімен заңсыз айналысқан Тәжікстан Республикасының 15 азаматын анықтады. Аталған бұзушылық үшін ЖШС – мен мердігерлік шарт жасасқан жеке кәсіпкер мемлекет кірісіне 100 АЕК көлемінде айыппұл төлейді, шетелдіктер сот шешімімен әрқайсысы 15 АЕК көлемінде айыппұл төлейді”, – делінген ақпаратта.
Шетелдік қызметкерлердің заңды тұлғаға қатысты болғаны туралы полиция органдарын уақтылы хабардар етпегені үшін заңды тұлғаға қатысты ҚР ӘҚБтК-нің 518-бабы бойынша әкімшілік хаттама толтырылды.
Көші-қон қызметі қабылдаушы жеке және заңды тұлғалар өздерінде шетелдіктердің болуы туралы 3 күн ішінде көші-қон қызметіне хабарлауға міндетті екенін еске салады.
Semeynews.kz
