ШҚО ТЖД баспасөз қызметі таратқан ақпарат бойынша, оқиға бүгін, таңертеңгі 07 сағат 41 минутта Славский атындағы жағалау көшесінде орналасқан 12 қабатты үйлердің бірінде орын алған.
“Оқиға орнына жедел жеткен құтқарушылар 12-қабатта орналасқан пәтерден арнайы оттегі маскасының көмегімен екі адамды құтқарды, олардың бірі бала. Сонымен қатар құтқарушылармен үйден 8 тұрғын эвакуацияланды және олар Вахта көлігіне орналастырылды. Пәтер қылтимасының ағаш бөліктері өртенген. Құтқарушылармен 25 шаршы метр алаңдағы өрт сөндірілді. Өрттің шығу себебі анықталуда”, – делінген ақпаратта.
Semeynews.kz
