ШҚО ТЖД баспасөз қызметінің мәліметіне сүйенсек, бүгін, 18 қарашада Аягөз қаласы мен Ұлан ауданы Бестерек ауылында қатты соққан жел ғимараттардың шатырын ұшырып жіберді.
Қаза болғандар мен зардап шеккендер жоқ.
18 қарашада облыста дауылды ескерту жарияланған болатын: қар жауып, түнде облыстың солтүстігінде қатты қар жауады деп күтілген еді. Облыстың оңтүстігінде, солтүстік-шығысында боран соғады. Оңтүстік-батыстан солтүстік-батысқа ауысатын жел 15-20 м/с, облыстың оңтүстігінде, солтүстік-шығысында жел екпіні 23-28 м/с, кейде 30 м/с және одан да көп.
Тұрғындарға дауылды ескертулер туралы ақпаратты “Дәрмен” тегін мобильді қосымшасын жүктеу арқылы алуға болатындығын ескертеміз.
Қатты жел соққан кезде билбордтардың, автобус аялдамаларының, ағаштардың, электр желілерінің, металл қоршаулардың астына тығылмаңыз. Көлікті ағаш, билборд құрылымдармен, электр бағандарының жанына қоймаңыздар.
Төтенше жағдайлар туындаған кезде “112” нөміріне қоңырау шалыңыз.
Semeynews.kz
