Қауіпсіз қала: Семейде 1551 «Сергек» бейнекамерасы жұмыс істейді
Семей қаласының әкімі Талғат Мұратов бейнебақылау жүйесі орналасқан ситуациялық орталыққа барып, оның жұмысымен танысты.
Қазір қалалық қауіпсіздікті қамтамасыз ететін «Сергек» жүйесіне қосылған 1551 бейнекамера жұмыс істейді. Оның ішінде қоғамдық тәртіпті сақтау үшін 775, ал жол қауіпсіздігі үшін 776 камера бар.
Сондай-ақ Семей қаласының барлық жерасты өткелдері «Сергек» жүйесіне қосылған, бұл қауіпсіздікті қамтамасыз ету кезінде тұрақты мониторинг жүргізуге мүмкіндік береді.
Бүгінде ситуациялық орталықта 47 қызметкер жұмыс істейді. Олардың міндеттеріне бейнебақылау жүйесін бақылау және қала тіршілігін қамтамасыз ету ғана емес, азаматтардың тәулік бойы жүгінуіне мүмкіндік беретін «109» бірыңғай байланыс орталығының жұмысы да кіреді.
2025 жылы қауіпсіздік деңгейін күшейту мақсатында тағы 380 камера орнату жоспарлануда.
