Абай облысында базарларды жаңғырту жұмыстары жоспарлануда

Абай облысының кәсіпкерлік және индустриалды-инновациялық даму басқармасының басшысы Рүстем Ворошилов бағдарлама шеңберінде жұмыс істеп тұрған кәсіпорындарды жаңғыртуды субсидиялау ғана емес, ісін жаңа бастаған кәсіпкерлерді де кепілзатпен қамтамасыз ету қарастырылғанын атап өтті, – деп хабарлайды Semeynews.kz.

• Мемлекет жас кәсіпкерлерге кепілді қолдау алу мүмкіндігін беріп, барынша қолдау көрсетуде. Сондай-ақ сауда орталықтарын кеңейту және қайта құру жобаларын субсидиялау бағдарламасы бар. Өңірімізде заман талабына сай келмейтін, тұрғындарға қолайсыз базарлар жеткілікті. Қазір облыс әкімдігі модернизациядан кейін бағаны ұстап тұру бойынша өз шығындары мен мүмкіндіктерін бағалай отырып, осы мәселені бақылап отыр, -деп атап өтті Рүстем Ворошилов.

Аумағы 1000 шаршы метрден асатын кәсіпорындарға сауда ойын-сауық орталығы емес, сауда үйі болған жағдайда субсидия алуға мүмкіндік беріледі. Қазір базарларда 2026 жылдан бастап сауда саласында жаңа ережелер күшіне енетінін, ал ашық базарлар мен заманауи емес форматтардың жабылатынын ескере отырып, қаржылық есептеулер жүргізуде.

• Біз бизнестің назарын қолда бар қолдау шараларына аударғымыз келеді. Дегенмен, мемлекеттік қолдаудың барлық шараларын алу үшін қолданыстағы заңнаманы сақтау, оның ішінде салықтар мен жалақы төлеу маңызды. Егер сіз жер телімін сатып алған болсаңыз және инженерлік желілер қажет болса, мемлекет шығындардың 70 пайызын өз бюджетінен өтей алады, ал 30 пайызын кәсіпорынға қалдырады. Бұл мақсаттарға бөлінетін қаражаттың шекті көлемі 1 миллиард теңгеден аспайды, – деп қосты басқарма басшысы.

Semeynews.kz