Абай облысының әкімі «AMANAT» партиясы филиалында азаматтарды қабылдады

Өңір басшысы Нұрлан Ұранхаев «AMANAT» партиясы филиалында азаматтарды жеке мәселелермен қабылдады, – деп хабарлайды Semeynews.kz.

Жеке қабылдау барысында облыс және Семей қаласы тұрғындары жарық, жылумен қамту, жер қатынастары, қоқыс шығаруға қатысты мәселелерді көтерді. Оның ішінде азаматтар «Компоселок» шағын ауданындағы аула аумақтарын абаттандыру мәселесін қозғады.

Бүгінде ықшам ауданда қоғамдық кеңістік, футбол алаңы, демалыс орнын салу жұмыстары жүріп жатыр. Құрылысты 2023 жылдың соңына дейін аяқтау жоспарланған.

Қабылдау барысында барлық өтініштерге жан-жақты жауап беріліп, оларды жүзеге асыру шаралары ұсынылды. Жеке қабылдауда азаматтардың көтерген мәселелерінің барлығы облыс басшысының бақылауына алынды.

Азаматтар жеке қабылдауға: 8 (7222) 52 39 21 байланыс телефоны арқылы жазыла алады.

Semeynews.kz