Абай облысында “Табысты отбасы” пилоттық әлеуметтік жобасының екінші кезеңі іске асырылуда

Жобаның екінші кезеңі бойынша бүгінде 41 қатысушы тігін ісі, автоэлектрик, кондитерлік өнімдер, әлеуметтік медиа менеджері және beauty саласы сияқты 5 бейіндік бағыт бойынша оқудан өтуде, – деп хабарлайды Semeynews.kz.

Оның алғашқы 27 түлегі жақында өз істерін дамыту үшін қажетті құрал-жабдықты тегін алады.

Жоба халықтың неғұрлым осал топтарының өкілдерін, оның ішінде көпбалалы және аз қамтылған отбасы мүшелерін, жалғыз басты ата- аналарды және ерекше қажеттіліктері бар балаларды тәрбиелеп отырған отбасыларды, табысы төмен отбасылардан шыққан жастарды кешенді оқытуға бағытталған.

Жобаны іске асыру кезендері туралы ақпарат БАҚ бетінде және @tabysty.otbasy жобасының инстаграм-парақшасында орналастырылады.

Semeynews.kz