Қалалық мәдениет сарайының сахнасында “Қазақстандық саңыраулар қоғамы” ҚБ 85 жылдығы және “Семей қаласының саңырау азаматтарына арналған клубы” КМҚК 20 жылдығы атап өтілді, – деп хабарлайды Semeynews.kz.
Мереке бағдарламасында мүмкіндігі шектеулі жандарды, “Қазақстандық саңыраулар қоғамы” ҚБ Семей өңірлік филиалының белсенді мүшелерін , спортшыларды, жаттықтырушыларды, саңыраулар клубының көркемөнерпаздар қатысушыларын, еңбек ардагерлерін кәсіби шеберлігі үшін, жұмыстағы жоғары көрсеткіштері үшін, қаланың қоғамдық өміріне белсенді қатысқаны үшін Семей қаласы әкімінің, “Қазақстан саңыраулар қоғамы” ҚБ орталық басқармасының, Қазақстан Республикасының Спорт және дене шынықтыру министрлігінің, Семей қаласының спорт және дене шынықтыру бөлімі, Қазақстанның іскер әйелдер қауымдастығының алғыс хаттарымен салтанатты түрде марапаттады.
Сондай-ақ, шара барысында “Қазақстандық саңыраулар қоғамы” ҚБ Семей өңірлік филиалының меценаттарына, мүмкіндігі шектеулі жандарға үнемі көңіл бөліп, қолдау көрсететін демеушілеріне алғыс хаттары табысталды.
Салтанатты шара барысында “Семей қаласының саңырау азаматтарына арналған Клубы” КМҚК, естімейтін балаларға арналған “№ 5 арнайы мектеп-интернаты” КММ көркемөнерпаздарының қатысуымен мерекелік концерт өтті. Іс-шараны “Семей қаласының саңырау азаматтарына арналған Клуб”КМҚК өкілдері ұйымдастырды.
Semeynews.kz
